取消旅行好無聊玩直播 楊愛瑾掛住Cookies年代好開心

楊愛瑾(Miki)昨日在ig發文稱:「話說原本今(昨)天我人已經在北海道,但現在還在家,旅程取消了就只好穿穿一早買好了的新衣拍個照紀念下吧。還有很多很多,全部都是新的,拍完照就等下年再見了」。

今午Miki更素顏在ig直播,她直言:「因為好無聊,啲細路瞓咗,依家準備今晚去食飯。冇得去旅行係好失望,但冇辦法,其實因大部份朋友想取消,唔緊要啦,我已接受呢個現實。」

Miki透露有了小朋友家里需要工人姐姐幫忙,同老公已很少二人世界,但都希望兩公婆盡量每周出去撐檯腳,及每年去一次旅行。她又邊直播邊化妝,說女人都要扮靚,之前她皮膚不好自信低,傷心得像天塌下來。有網民問她可有想念當年Cookies年代?她即謂:「我都有諗返以前係好開心,依家都開心,但開心嘅野唔同咗,責任大咗要照顧人,以前俾人照顧,成班女仔嘻嘻哈扮靚好開心。」最後囝囝瞓醒在鏡頭前跟大家打招呼,Miki就結束直播。