千金都可以平民，超蓮打破世俗眼光
何超蓮作為富甲一方家族嘅女，一出世，似乎就已經注定咗脫離世俗，注定咗被外界無數人評頭點足。我哋一向對富二代都唔會有太多好感，但有趣嘅係，何超蓮係一個例外，佢用自己嘅努力打破咗外人既定嘅眼光，成為咗可能係全世界最貼地嘅貴族千金。何超蓮出身名門，但從不恃寵而驕，努力求學，靠一己之力取得佳績。打理生意，引入台灣牛肉麵，成立慈善組織，付出好多心力，廣受好評。天生麗質之外，仲努力Keep fit，又有時裝品味，靚爆香港。非一般嘅千金之路，成就咗何超蓮嘅人生。
呢排何超蓮登上咗Google嘅熱門搜尋，今日就等DailyView網路溫度計透過《KEYPO大數據關鍵引擎》話你知網友討論數據，到底我地香港人講得何超蓮最多係邊九件事？透過呢九件事，可以知道何超蓮平穩而不平凡嘅一生。
image source:《KEYPO大數據關鍵引擎》
如何煉成一位出色名門望族？有錢，只係必要條件咋。咁多有錢人，但叫得上貴族嘅又有幾多？愈係有外在條件，愈係需要有內涵Support。何超蓮就做到啦！能夠喺世界名列前矛嘅英國倫敦大學皇家賀洛唯學院修讀經濟學學士，仲要係最Top嘅一級榮譽畢業，連會計師牌照都考埋，真係好鬼屈機啊！
image source:何超蓮微博
出身顯赫，樣靚身材正，識勁多娛樂圈嘅朋友，咁多條件加埋一齊，自然廣受香港網民注目，佢嘅一言一行，都成為大家熱門討論嘅話題。好似G.E.M.之後嘅自傳電影會，都特登邀請何超蓮出席咁。佢仲成立慈善組織Smile with Us HK，成日舉辦活動，幫香港人打打氣，人靚心善，唔怪得佢咁受歡迎嘅！
image source:何超蓮IG
身形苗條高挑，Fit到可比職業模特兒嘅何超蓮，一向都好有時尚觸覺，不論喺出席唔同嘅公開場合，定係自己平時IG放嘅靚相，佢嘅穿著風格都一定令人耳目一新，引起好多男女跟風。2019年，佢去埋巴黎嘅春夏巴黎時裝周，連走幾場，一日換咗多個造型，成為Fashion界嘅寵兒。唔知佢幾時會自創埋品牌呢？
image source:何超蓮IG
6 何家女兒十一支花
真係天生麗質難自棄
眾所周知，何鴻燊一共有四房妻子，各有子女，好似何超瓊、何超欣咁，只係計佢粒女，都有成十一個。咁當中何超蓮係出自第三房三太陳婉珍嘅細女，仲有個三房家姐何超雲，同埋細佬何猷啟。咁係十一朵花之中，何超蓮公認係最靚最貼地嘅，喺後生一代最受關注，真係何家有女初長成呀！
image source:何超蓮IG
超蓮號稱何家「最索千金」，唔止人靚，身材仲好得！見超蓮Instagram成日post做gym同滑水相，keep住靚身型真係唔係易！不過見超蓮出席活動又好，閒時出街都好，都不時性感示人，盡顯惹火線條。喺今年2月19號Instagram followers破50萬嗰時，仲post晒背出浴照，大派福利。
image source:何超蓮IG
何超蓮可以話係年輕一輩嘅超級企業家。佢喺2017年飛到澳洲嘅Perth，為佢籌備咗3年嘅酒店主持開幕，真係將家族生意打理得似模似樣，成為酒店大亨咁話。2018年佢仲引入台灣玖五牛肉麵，成為香港分店老闆娘，同媽咪合力獨創番茄湯底，咁識照顧返本地口味，勁有生意頭腦！
image source:何超蓮IG
超蓮圈內圈外嘅朋友好多，個個都好鍚佢，睇得出人緣好好！其中最老友就梗係啊G.E.M同李蘊啦，仲成日喺Instagram到晒姐妹情深，真係羨慕死人啊！最近超蓮同竇驍公開戀情，啊G.E.M仲留言話「好好對她」，咁感動，唔怪得超蓮都話：「我怎麼有點想哭」。竇驍真係要好好對超蓮，唔係大把人唔放過佢！
image source:何超蓮IG
自從超蓮同吳克群分手之後，大眾對於佢嘅戀情都好八卦。每逢超蓮同異性有少少接觸，明明係一班人聚會，都可以傳到變成單獨約會咁。前前後後，有劉根森、霍啟山、方力申、楊政龍等等，次次都要解畫，真係辛苦晒超蓮喇！不過依家唔洗煩依D啦！同竇驍公開咗戀情，咩緋聞都成為過去式喇！
image source:方力申IG
1 超蓮戀愛史
戀愛平等，都係希望好好愛一個人
你以為千金小姐嘅戀愛就好似童話故事咁？王子配公主？其實愛情依家嘢好平等，就連美貌智慧同家底都並重嘅超蓮，都逃唔過失戀、受情傷。同初戀徐鈺恆避唔開青春洗禮，分手告終；拖起過Jeremy Wong黃俊豪嘅手，但行唔落去；愛過吳克群，痛過，學識要更愛自己。希望超蓮今次同竇驍可以幸福啦！
image source:何超蓮微博人生漫漫長路，仍然樂於去闖
何超蓮1991年出世，數數手指，而家佢先得27歲，真係難以置信。我哋睇返佢暫時嘅人生成就，隨時比起其他人嘅成世加埋仲豐富、精彩。如果佢將目前做到嘅嘢列做一張CV，相信呢張CV已經係接近完美。更重要嘅係，佢仲有漫漫長路要行，以佢一向鍾意打破常規，積極進取嘅態度，相信繼酒店大亨、牛肉麵老闆娘同慈善組織之後，一定會有更多唔同嘅嘗試同發展。好似佢自己咁講「經驗閱歷仍未夠，還未睇得透，我樂於繼續去闖去試」，何超蓮之後嘅人生，相信會更加精彩，帶俾我地無數驚喜。