黃大仙新蒲崗爵祿街86號康景樓的樓上停車場，今（4日）下午2時48分，一部私家車懷疑失控撞向石屎牆，導致牆身石屎剝落，部份石屎飛跌落馬路地面，幸當時無途人被擊中，否則後果堪虞，算是不幸中之大幸，警方將事件列作交通意外無人受傷處理。
+1
事件地點為新蒲崗爵祿街86號康景商場，樓上為一個多層停車場，有網友上載事發時相片，可見當時一部私家車在5樓的露天停車場，車頭面向街外圍欄，牆身明顯有石屎剝落，旁邊有疑為司機的男子。爵祿街對開馬路則滿佈石屎碎，部分有拳頭般大。
有網民直言「佢唔飛落街都算好彩」、「 哇 真係好彩冇人」，形容事件不幸中之大幸。警方表示，今日下午2時48分，一名黃姓男子（隔鄰學校校長）報案指，康景樓停車場一部私家車撞牆，牆身部分石屎跌落馬路，警方接報到場，尋獲該部私家車，司機並無受傷，亦無行人被擊中受傷，樓宇亦無即時危險，事件列交通意外無人受傷處理。