星火負責人被捕，好多人 Focus 係錢度。7千幾萬元筆數目當然唔細，但真正既影響力完全唔係在於依筆數度。
第一，政府要打亂「被捕支援」，令被捕者弧立無援。星火被捕，錢被凍結，最直接就係被捕者得不到支援，咁律師費點算？生活費點算？依班被捕者既將會遇到好實質既經濟困難。切斷支援，自然愈少人出。
第二，星火和被捕者的對話紀錄可能會被調查。警方可以「取用」依啲對話紀錄作為證據（就好似今日黃之鋒既手機被解鎖）。到時不論星火同被捕者都有機會會被添加罪名。
第三，斷絕經濟支援。警方已開始循「洗黑錢」方式展開調查與拘捕 channel admin 甚至捐贈者。所有曾經大額捐款的捐贈者都有機會被捕，從而嚇怕香港人唔敢再捐錢。
第四，實現大圍捕，殺絕和理非。捐贈者可能唔少都係和理非，今次警方獲得相關信息證據，好快個人資料亦有機會被洩漏出去，亦會被調查，到時政府就可以隨時用「洗黑錢」或「教唆犯罪」罪名去圍捕和理非。
政府這招非常毒辣，可以話從四面全方位打撃「家長」、「義士」、「和理非」和實質資金。
香港人，一靜落黎。牢獄等緊你。
===========
書生希望提醒大家，捐錢本身唔犯法。就算你捐錢比被捕者，都要證據顯示你有意圖係用依筆錢作非法用途或教唆犯罪先告得入，因為被捕者唔係收到你筆錢於是去犯罪，你只係幫一個被捕者生活而已。就好似果個深水埗駕車撞人的士阿叔收左撐警組織50萬一樣，除非有證據顥示的士阿叔係收左錢撞人，如果唔係都唔會告得入果個撐警組織。所以唔需要自亂陣腳唔敢捐。人地嚇你，你唔好驚就得。最緊要冷靜，小心，才可以正確行一下步。
#請謹慎保護個人資料
#新年快到得閒清潔屋企同舊年留落黎唔開心既野包括對話紀錄
@書生百用
https://www.facebook.com/makeinterestingreading/photos/a.2054575691478081/2531749823760663/
